Siloslått – kva bør du tenkja på?

Blank presse: Øyvind Sveinulvson Ueland har vore med og testa ut eit nytt glukosebasert ensileringsmiddel frå Finland. Middelet har, i følgje Ueland, ført til at pressa framstår som blankare enn då ho vart kjøpt ny i 2017.


Det er alltid ei utfordring å finna fram til rett slåttetid. Eit klart mål må vera å berga inn eit grovfôr som gir stor avling, høveleg energikonsentrasjon og best mogleg gjæringskvalitet.


Ragnvald Gramstad, tidlegare NLR-rådgjevar


I mjølk- og kjøttproduksjonen bør ein stille høge kvalitetskrav med ein fôreiningskonsentrasjon på om lag 0,90. Det er viktig å spela på lag med kva NLReiningane gir av fagleg tilråding i ditt distrikt.

Rett haustetidspunkt

Ofte kan det vera lurt å starta slåtten éin til to dagar tidlegare enn tilrådd. Spesielt om vêret er bra, og om høg energikonsentrasjon på om lag 0,90 skal prioriterast. Hugs god stubbhøgde på åtte til ti centimeter, og kortast mogleg opphaldstid/tørketid på bakken for å oppnå ein tørrstoffprosent på 28-32.
Rask turking vil redusera andingstap og anna tap i prosessen. Det er viktigare enn nokon gong å bruka rett ensileringsmiddel og rett mengde per tonn gras.