Soya eller belgvekstar i kraftfôr?

Plasskrevjande: Skal vi erstatta all importert soya med norske erter, vil dette krevja eit areal på 650 000 hektar. Foto: Istock


Erter i staden for soya i kraftfôret? Saka blir ofte framstilt for enkelt.


Stein Lima, seniorkonsulent, Felleskjøpet Rogaland Agder


Det kjem stadig påstandar om at ein bør redusera eller slutta å bruka soyamjøl i kraftfôr og i staden bruka belgvekstar. Framstillinga ber ofte preg av ei svart/kvitt haldning. Det er forunderleg kor lite dei som tek til orde for å skrota soya tenkjer på konsekvensane av forslaga sine.

Ikkje nok erter

For å forenkla litt skal vi sjå på konsekvensar ved å erstatta soyamjøl med erter. Planteforsk (no NIBIO) og Institutt for plante- og miljøvitskap ved NMBU såg i ein rapport på potensialet for å dyrka erter i Norge og rekna dette til maksimalt 60 000 tonn per år.