Levande opptatt av geita: I hovudet til Hallvard Veen dukkar det stadig opp nye idear som han berre må prøva ut.

Ein ukueleg optimist

Etter eit heilt liv i landbruket er Hallvard Veen framleis eit oppkomme av idear og pågangsmot. Og ei evig tru på at alt går an.


Liv Kristin Sola


– Du må forsyna deg med kaffi. Hallvard likar best å drøsa og følgjer ikkje alltid så godt med, seier Anna Olaug.


Kona til Hallvard har sett fram kaffi og kanelbollar. Hallvard byr på kvit geitost og iskrem laga av mjølk frå eigne geiter. Den runde flate osten er som ein fetaost i smak og konsistens. Iskremen smeltar i munnen og har ein mild smak av brunost.


– Kva synest du? Er den ikkje god? spør Hallvard.