Familieprosjekt: Frå mjølk til kylling og ammeku, og tilbake til mjølk. No vil Silje og Jim Arild bli heiltidsbønder begge to. Det var ein av grunnane til at dei valde å satse på jersey.

Frå charolais til jersey

Jim Arild Håvarstein selde kvoten for å kunne utvide kyllinghuset. No har kyllingen vore med og finansiert ombygging frå kjøt til mjølk og kjøp av mjølkekvote.


Liv Kristin Sola



​Vegen blir til mens du går, blir det sagt. Men det kan vere klokt å ikkje somle og bli hengande etter langs vegen . For Jim Arild Håvarstein på Rennesøy i Rogaland har det vore litt slik. Heller ikkje han kan spå framtida, men Rennesøybonden har turt å gjere val når sjansen har bydd seg, val som i ettertid har vist seg å vere smarte.