Blømande binæring på Varhaug

God opplæring: Tor Geir (t.h.) har sagt seg villig til å vere mentor for Nils (i midten) og Rune. Her sjekkar dei at biene arbeider som dei skal.


Kva får ein traktorseljande storbonde på Varhaug til å byrja med bier?


Jane Brit Sande


– Me likar jo å prøve noko nytt, seier Nils Husveg om sitt siste prosjekt.


Saman med sonen Rune Husveg, har Nils nyleg investert i splitter nytt birøktarutstyr, bikubar og sjølvsagt bier. Kubane er sett opp like utføre hekken til hagen, på Husvegg på Varhaug i Hå kommune.

Nordsjøen er næraste nabo

– Det bles godt her, ja. Me plar seie at viss berre temperaturen er høgare enn vindstyrken, så går det godt, seier Nils.


Han har gjort mykje forskjellig gjennom åra. Dei siste 14 åra har han vore gulrot- og rugeeggprodusent.


– Og så har eg vore traktormekanikar, traktorseljar, og fram til for tre år sidan var eg mjølkeprodusent. Kanskje ikkje det folk flest forbinder med birøkt, seier Nils.


– Men kva var det med birøkt som freista?