Bonde og mentor: Birgit S. Hagalid har god hjelp i sin mentor, Mikal Hetland. – Eg har ein fast person å ringa til for spesifikke spørsmål, seier ho.

Deler kunnskap for å rekruttera kollegaer

Rekrutteringa i juletreproduksjonen går heller trått. Birgit S. Hagalid er eit unnatak i næringa. – Rekruttering og rådgiving går hand i hand, seier mentor Mikal Hetland.


Jane Brit Sande


– Du må ikkje vere redd for å vere litt brutal, seier Mikal Hetland, og svingar saksa over juletreplantane.


– Åja, du klipper såpass altså, seier Birgit S. Hagalid.


Dei er mentor og bonde. Han har drive med juletreproduksjon på Fister i Ryfylke i ei årrekkje, og er dagleg leiar i Norsk Juletreservice AS, eit produsenteigd salsselskap som sel juletre til grossistar, kjeder og torghandlarar. I fjor tok ho over heimegarden, med 30 000 juletre på 40 mål og 70 vinterfôra sauer. Garden driv ho saman med ektemannen Rasmus Hagalid-Stokkeland, og foreldra sine.