Nervepirrande: I fjor haust kom kalvinga seint i gong, og det spøkte for kvotefyllinga. – Men det gjekk godt, og eg leverte eit tonn over kvote, seier Trygve.

Fem års læretid

Trygve er ikkje i tvil; han skal drive heimegarden på Undheim. Men først skal han vere i lære på ein gard i Bjerkreim i fem år.


Jane Brit Sande


– På denne måten får eg sjansen til å lære av andre, i staden for å berre trø i hælane til far. Eg får også læra om drift i andre fjøs enn det heime, som eg kjenner best, og eg får sjansen til å prøve meg på eigenhand før eg tar over heime, seier Trygve Tjemsland.


Han forpaktar gard på Vikeså i Bjerkreim, medan han ventar på å få ta over garden heime på Undheim i Time. Trygve har fire år att på kontrakten, og ser mange fordelar i å øve seg på ein annan gard, før han blir sjef på heimegarden.