Lang erfaring: Olav H. Helleland har vore fruktbonde på heiltid sidan 1998. – Å levera førsteklasses frukt krev fagleg oppdatering, rasjonelt utstyr, god bruk av rådgivingsapparatet, og dei rette fruktsortane, seier han.

Haustar 20 000 tre

Fruktbonde Olav Helleland bruker dagane på det han likar best: Å produsera førsteklasses frukt til norske forbrukarar. I desse dagar skal trea haustast – og dei har han mange av.


Jane Brit Sande


Skydekket ligg lågt over Sørfjorden akkurat denne dagen, men når sola får kome fram speglar frukthagane seg i fjorden. På Helleland gard på Lofthus i Hardanger er dei bratte bakkane godt utnytta. Hjå Olav Helleland bognar frukttrea som snart skal haustast; eple, pærer, og plommer. Først er det plommene sin tur.