Mangfald må bli lønsamt

Vilt og vakkert: Humlebille på Skogmarihand. Foto: Helene Lind Jensen/Sabima


Alle gardar bør setja av areal til biologisk mangfald. Det er både moderne og effektivt å ta vare på artane. Alternativet er i ferd med å føra oss riktig gale avstad, meiner Ragna Kronstad i miljøorganisasjonen Sabima.


Anne Rivenes, frilansjournalist Voss


– Me kan ikkje basere oss på monokultur og eit landbruk som ikkje tek vare på det biologiske mangfaldet, seier Ragna Kronstad, agronom og kommunikasjonsrådgjevar i Sabima.


I fjor laga Ragna Kronstad film om artsmangfaldet på Ulvund. Ho ville visa at verdifullt biologisk mangfald samstundes også er mat til dyra.


– Eg er imponert over arbeidet dei legg ned, og motivasjonen dei har for å halde området i hevd. Ikkje alle forstår kvifor ein held på slik, når landbruket elles er «moderne og effektivt». Ei haldningsendring må til. Å ta vare på artane, det er dét som er moderne og effektivt, meiner Kronstad.


Les også: Arbeider hardt og let humla suse