Til fjells: Sauer og gjeterar frå Tysvær Beitelag gjennom Hylsskaret i Suldal på veg til fjells. Ukjent årstal. Foto: Per Magne Førre/Tysvær Bygdeblad.

Tysværbønder har drive beitelag i hundre år

Gjetarlivet er ikkje for folk med tynt skinn og låge joggesko. Lars Bredal (80) frå Skjoldastraumen heldt i si tid på å setja livet til på ei ettersanking på Haukeli.


Sjur Håland


Saman med to andre var Lars seint på hausten på leit etter ein sakna sau med lam som var observert av nokre jegerar i området. I ein liten robåt på veg over eit fjellvatn møtte dei tre karane høgfjellsnaturen på sitt mest brutale, med full storm og intenst snøvêr.


– Me visste ikkje kor me var og korleis me skulle koma til lands, det var så vidt me berga livet, seier han.