Lei start: Vanlegvis er kalvane minst fire til fem veker når dei får diare frå koksidiose, men dei kan òg vera yngre. Foto: Rasmus Lang-Ree

Slik oppdagar og behandlar du koksidiose hjå kalv

Dei aller fleste som driv med storfeproduksjon har sikkert hatt kalvar med diare. I dei fleste tilfella er diareane fôringsrelaterte. Diare kan også oppstå på grunn av virus, bakteriar og parasittar.


Reidun Fattnes,
dyrlege i Førde i Sunnfjord


Koksidiose er ein parasitt som angrip tynntarmen til kalvane og gir blodig diare. Vanlegvis er kalvane minst fire til fem veker når dei får denne diareen, men i min praksis har eg også sett yngre kalvar bli sjuke. Inkubasjonstida, altså tida det tek frå kalvane blir smitta til dei blir sjuke, er om lag tre veker. Inkubasjonstida hjå nokre koksidieartar kan vera kortare.

Symptom

Det vanlege er blodig diare. Kalvane kan fort bli dårlege og tynne.

Behandling

Kalvane må behandlast med medikament. Eg gir ofte vitaminer, antibiotika og støtteterapi. Kalvane taper mykje væske ved diare, derfor kan det vera livsreddande å gi dei væske i tillegg. De som dyreeigarar bør gi kalvane vatn med elektrolyttblandingar utanom dei faste måltida med mjølk.
Det er også mogeleg å førebyggje koksidiose med eit medikament. Dette bør derimot ikkje gjerast over ein lengre periode, fordi det kan gjera parasitten resistent mot middelet ein brukar.

Stadfesting av koksidiose