Små grep gir mindre sjanse for ulukker

Like heile: Dyrebilsjåfør Edmund (i midten) sett pris på tiltaka både Tor Sverre (til venstre) og Kjell Ole har gjort for å letta arbeidet med å få ut dyra. Etter endt utlastingsøkt er dei like heile, alle tre.


Handtering av dyr er den arbeidsoppgåva som gir flest ulukker i norsk landbruk. Kjell Ole Fuglestad har gjort små, men smarte grep for å unngå ulukker når dyr skal flyttast på i fjøset hans.


Jane Brit Sande


Morgondisen ligg fortsatt over markene hjå Kjell Ole Fuglestad, Bjerkreim i Rogaland. Det er alt liv i fjøset. Bonden gjekk i ei anna dør enn dyra er vane med denne morgonen, og dyra er allereie urolege. Slaktebilen er komen til gards, og 12 kyr skal til slakt, så smidig som mogleg. Kjell Ole har fått med seg far sin, Tor Sverre Fuglestad, for å hjelpa til med å få ut dyra. Dyrebilsjåfør Edmund Ousdal er på plass for å få dyra på bilen. Garden på Nedrebø er første stoppet hans denne dagen.