Typiske stader for byllar:Desse fem lymfeknutane er dei vanlegas råka hjå sau. Geit har i tillegg ein lymfeknute like over juret.

VETERINÆREN:

Hald byllesjuke vekke

Byllesjuke kan ramme både geit og sau. Den opptrer sporadisk og er nær sagt nyttelaus å behandle. Vanlegvis er den til liten plage for det råka dyret, men smitten er uønska i buskapen.

Hildegunn Mugås, dyrlege ved Voss Dyreklinikk, og sauebonde.

Byllesjuke er ein bakterieinfeksjon årsaka av Corynebacterium pseudotuberkulosis. Namnet kjem av at den kan gje liknande symptom som tuberkulose. Bakterien veks både med og utan tilgang på luft. Sett i mikroskop kan den ha ulike utsjånader. Den går på fleire artar, men i Noreg er sjukdom berre aktuelt hjå sau og geit.