Med nye auge:Petra Marie og Sigmund (t.h.) er nøgde med å ha ein utanfor slekta til å rådføre seg med. Dei kallar mentorordninga eit lågterskeltilbod somdei langt på veg kan forme slik dei vil, i lag med mentor Egil.

MENTORORDNINGA I LANDBRUKET​:

Gode råd frå utanforståande

Petra Marie og Sigmund Trydal er begge frå gard og det mangla ikkje på gode råd frå slekt og vener då dei bygde fjøs og fylte det med telemarksfe. Men dei beste råda har dei fått frå Egil, som har sett drifta med nye auge.

Liv Kristin Sola

Det nye trefjøset til Petra Marie og Sigmund ligg fint i terrenget i den vesle grenda Trydal, sør i Bykle kommune i Setesdal. Inne i fjøset står ein flokk med telemarkskyr og ungdyr og et på turrhøy. Langs veggen heng det foto av prosessen frå graving til ferdig fjøs. Og frå dyr på beite og til fjells.