Kjedar seg: Sauer som står åleine og kjedar seg, eller som står for tett, kan lettare byrja å nappe seg sjølve eller andre. Napping kan dermed vere eit teikn på at sauene ikkje har det optimalt.

VETERINÆREN:

Ullavfall og ullnapping hjå sau

Du har kanskje opplevd det? Nokre av sauene dine står og nappar ull av sine medsystrer. Kvifor – og kva kan du gjere med det?

Asle Bjørgaas, starta i klinisk praksis på Voss i 1984, no praktiserande veterinær i Vaksdal og Modalen med vaktsamarbeid med Voss.

​Ullavfall og ullnapping er velkjende fenomen i mange norske sauebesetningar. Dei fleste sauebønder har sett sauer som har ullavfall. Som oftast skuldast det at andre sauer i besetninga nappar ull, og ulla ser ut til å sleppe lett.

Finn syndaren

Ullavfall er mest vanleg på bøgene, på sidene av buken, og bak på låra. Det er mest vanleg at ullavfall berre vedkjem nokre få sauer i flokken, og at det berre er ein eller få andre som nappar.