30 år og ikkje lenger kritisk trua

Same året som Laget for Vestlandsk Raudkolle rundar 30 år, går rasen frå å vere kritisk trua til å passere grensa på 300 kyr, som gir status som trua. Begge delar vart feira i Balestrand, der det heile starta.


Liv Kristin Sola


Laget for Vestlandsk Raudkolle vart danna 31.10.1993 i Balestrand. Styret var Ola Riste frå Vestre Slidre i Valdres, Johannes Tjugum frå Balestrand i Sogn, og leiar Olav J. Ellingsen frå Aurland i Sogn.
I 2022 var det registrert 307 mordyr av storferasen vestlandsk raudkolle. Med det er dei den siste av dei bevaringsverdige husdyrrasane storfe, sau, geit, og hest, som endrar status frå kritisk trua til trua. Det gir grunn til å feire.