1:1? Dei nye gjødselreglane opnar for balansegjødsling, altså at forholdet mellom tilført fosformengd og mengd fosfor som blir tatt ut i avlingar er 1:1. Ordninga vil krevja grundig dokumentasjon og skal evaluerast kvart fjerde år for å sjå om den fungerer etter intensjonen. Bonden kan dokumentera anten ved jordprøvar ved start og slutt av perioden, som viser at fosfornivået ikkje har stige. Alternativt ved å legga fram ein oversikt over fosforstraumane inn og ut av drifta. Illustrasjon: Thea Hjertuslot/Sjur Håland


God balansegjødsling krev grundig dokumentasjon - ikkje hastverk, åtvarar Sveinung Svebestad. Styreleiaren i FKRA tar òg til orde for ein høgare, første grenseverdi for fosfor i Rogaland.


Bothild Å. Nordsletten


Sveinung Svebestad, styreleiar i FKRA og sentral i arbeidsgruppa som fekk gjennomslag for at høgare avlingar i Rogaland krev meir fosfor, er nokså nøgd. Han har iallfall ikkje høyrt noko ramaskrik etter at forslaget til nye gjødselreglar vart sendt på høyring 20.mars.