Best grise-liv ute?

Gjørmebad: Eit forskingsprosjekt skal kartlegge om utegrisen faktisk har det betre. Er gjørmebad nøkkelen til eit godt griseliv? Illustrasjonsfoto: Istock


No skal forskarar finna svar på om utegrisen faktisk har det betre enn den som er inne. Dyrevernalliansens forskingsfond gir pengar til arbeidet.


Jane Brit Sande


Kristin Sørheim, forskar ved Norsøk (Norsk senter for økologisk landbruk), skal finna gode løysingar for betre dyrevelferd for gris som er ute. Dyrevernalliansens forskingsfond står for finansieringa av arbeidet.


– Norsøk vil gjere dette forskingsarbeidet fordi me meiner velferda til grisen er betre viss dei også kan vere ute under gode forhold, og dei har rom for si naturlege åtferd: Rote i jorda, leite etter mat, gjørmebad, og så vidare, seier Sørheim.


Målet med prosjektet er å etablera retningsliner for vurdering av velferda til grisen ute, og korleis risikoen for at dyra blir smitta av parasittar og andre alvorlege sjukdommar, kan senkast.