Når eit gardsbruk vert delt ved bruksrasjonalisering må me tenke langsiktig på matproduksjon og jordvern. Sjølv om det ofte er ynskjer om å la driftsbygningen vera ein del av det frådelte tunet, så må omsynet til samfunnet på lang sikt vega tyngst.



Torfinn Nærland, avdelingsleiar landbruk, Time kommune


Når gardbrukaren har kome til at den beste løysinga for han/ho vil vera å selje jorda til nabobruk, og dele bustadhusa frå gardsbruket, står ein relativt omfattande prosess for døra. Det skal gjerast mange avvegingar i det som vert omtala som bruksrasjonalisering av gardsbruk. To sentrale og ofte omstridde moment er kva som skal skje med driftsbygningane, og storleik på frådelte bustadtomter.