Fjellam frå Ryfylke endeleg i butikk

Heiaføring: Samarbeidet om merkevareordninga gjer at bøndene no kan få litt att for å ta vare på heiatradisjonane. Lise Vistnes likar seg godt på sanking. Foto: Maren Vistnes Rekve


Bøndene bak Fjellam frå Ryfylke SA har hatt ein stri kamp med å få kjøtet ut i butikk. No løyser det seg!


Jane Brit Sande


– Endeleg! Det er utruleg stas, og veldig viktig for dei små- og mellomstore bruka i regionen, seier Lise Vistnes, dagleg leiar i Fjellam frå Ryfylke SA, til Bondevennen.


Det vesle samvirket har skrive avtale med Nortura, Prima Jæren og slaktar Albert Idsøe om slakt, foredling og sal av lammekjøtet. Dei har ein langsiktig avtale om samarbeid og foredling. I første omgang er målet å vidareforedla mellom 5000 og 10 000 lam.


Det har gått fire år sidan ei gruppe sauebønder gjekk saman og danna Fjellam frå Ryfylke SA, med mål om å auka lønsemda i drifta. No kjem kjøtet til butikk.