Optimist for frukt og bær

I verdsklasse: Unik råvarekvalitet, lokalt tilknyting og produktutvikling gjennom innovasjon og samarbeid. Klarer produsentane ta vare på mogheitene som no byr seg, meiner Leif Øie dei kan auke volumet og konkurrere mot import. Foto: Alvavoll Gard


Med ein unik smak og auka kunnskap om lagring skal norsk frukt, bær og grønt ta sin del av auken i etterspurnaden, trur Leif Øie i GPS.


Liv Kristin Sola


Frukt- og grøntprodusentane ber om auka overføringar over jordbruksavtalen for å styrke satsinga og auke marknadsandelen av norsk frukt, bær og grønt. I Bondevennen nummer 12/2019 vert det gitt utrykk for uro over at utviklinga er uoversiktleg og at veksten ikkje kan gå til himmels – heller ikkje for frukt og bær.
Leif Øie i Grøntprodusentenes samarbeidsråd (GPS) er ikkje spesielt uroa. Han minner om at det frå i fjor vart gjort forbetringar i samband med produksjonstilskot. All produksjon er no tilskotsberettiga, også det som ikkje er innom fruktlager.


– Det er svært bra. No får me betre oversikt over produksjonen, noko som er viktig når me skal vurdere volumet framover, seier Øie.