I Bondevennen nr 14 får du lesa om Vigdis og Arnfinn Horpestad som driv gard med mjølkeproduksjon og produksjon av kjøt frå ammekyr, på Refsnes i Hå, i Rogaland. Dei overtok garden i 2009 frå Arnfinn sine foreldre.
Liv Kristin Sola
Vigdis og Arnfinn arbeider begge på garden. Vigdis er for tida tilsett i Time kommune. Etter påske tar ho til i ny jobb som miljøterapeut ved Lye ungdomsskule i 52 prosent stilling. Dei har borna Kornelius (9), Arthur (5), Halvor (3,5) og Karen (1,5). Mjølkekvoten er på 400.000 liter. Fjøset vart bygd ut med liggebåsavdeling og robot i 2005. I 2012 bygde Vigdis og Arnfinn kombinert ammekufjøs og reiskapshus på 1800 m3.
Bileta viser litt av ammekufjøset og nokre av dei kreative løysingane i fjøset til Vigdis og Arnfinn. Enkelt og smart, dei er tilhengarar av gjenbruk. Både gammal innreiing til gris og gamle baderomsveggar er tekna i bruk.
![Kjølesløyfe kobla til vannsløyfa som forsyner drikkekara i fjøset med vatn. Kaldt vatn gjennom spiralen kjøler ned kalvemjølka til mjølkefôringsautomaten.](https://www.bondevennen.no/wp-content/uploads/2014/04/5253.jpg)
Kjølesløyfe kobla til vannsløyfa som forsyner drikkekara i fjøset med vatn. Kaldt vatn gjennom spiralen kjøler ned kalvemjølka til mjølkefôringsautomaten.
![Oversikt over ammekuavdelinga i nybygget. Tre ulike kraftfôrtankar, med Formel Biff i to og Formel Favør i den siste. Ein heimesnekra kasse til oppbevaring eller transport av mindre mengdar kraftfôr.](https://www.bondevennen.no/wp-content/uploads/2014/04/5307.jpg)
Oversikt over ammekuavdelinga i nybygget. Tre ulike kraftfôrtankar, med Formel Biff i to og Formel Favør i den siste. Ein heimesnekra kasse til oppbevaring eller transport av mindre mengdar kraftfôr.
![Kalveavdelinga i ammekufjøset. Her kan kalvane få ekstra oppfølging og god fôring med kraftfôr og høy.](https://www.bondevennen.no/wp-content/uploads/2014/04/5302.jpg)
Kalveavdelinga i ammekufjøset. Her kan kalvane få ekstra oppfølging og god fôring med kraftfôr og høy.
![Dei gamle baderomsveggene fungerer fint som ei trakt til fôring av høy frå låven og ned til kalvane.](https://www.bondevennen.no/wp-content/uploads/2014/04/5268.jpg)
Dei gamle baderomsveggene fungerer fint som ei trakt til fôring av høy frå låven og ned til kalvane.