Unngå utslakting

Nye fôrplanar: Vaksne kyr kan klare seg med store mengder halm, men ikkje la fôrkrisa gå ut over livdyroppdrettet. Slakeoksar bør fôrast intensivt og slaktast ved ung alder.


– Ikkje gjer drastiske tiltak før du får oversikt over situasjonen og kan vurdere ulike tiltak og løysingar, er Bengt Egil Elve sitt råd til tørkeramma bønder.


Liv Kristin Sola


For Bengt Egil Elve, tilførselsleiar storfe i Nortura Vest, går det meste av dagane med til å snakke med fortvila storfebønder over heile Sør-Norge.


– Situasjonen er alvorleg, spesielt i sør og aust. Vårt generelle råd er å strekke seg langt for å unngå utslakting. Auka fôrkostnadar gir mindre tap enn alternativet – å slakte produksjonsdyra dine, seier Elve.