Beitedyktige: Lamma må vere minst seks veker før dei blir sende på fjellbeite. Då er dei gode drøvtyggjarar, er robuste mot skiftande ver og kan fote seg i ulent terreng. Foto: Privat.

VETERINÆREN:

Gjer dyra klare for fjellet

Tida går – om ikkje lenge skal flokkar med sau og lam sendast til fjells. Skal lamma veksa og trivast i fjellet, må dei vera robuste og friske når du sender dei avgarde.

Reidun Fattnes, dyrlege i Førde i Sunnfjord.

Våren – for ei herleg tid! Ikkje minst i sauefjøset som i desse dagar er fylt opp av mange nye «saueborgarar» som skal ut på grønt gras for fyrste gong.

Rutinane hjå dei fleste sauebønder er dei same år etter år: lamma blir fødde og blir sleppte ut på grønt gras når forholda ligg til rette for det. Etterkvart er det tid for ein sommar i utmarka eller på fjellbeite fram til sanking om hausten.