HEIM: Dei tre leiarane går føre og leiar Fidjelands-drifta ned frå heia. 4200 dyr sende dei til fjells i slutten av juni. No skal flokkane skiljast og fraktast heim til kvart sitt bruk, og bonden skal gjere opp status for årets sesong. Frå venstre: Glenn Tore Risa, Gunnar Vatland og Jone Undheim.

Eit bræktande eventyr

Sauer, hundar og folk i jamt sig nedover fjellsida og ut dalføra. Ein tørr sesong i fjellet er over. No skal flokkane heim og bøndene gjere opp status.


Liv Kristin Sola


I løpet av to veker i månadsskiftet august/ september, skal nærare 40.000 sauer og lam heim frå fjellbeite i Sirdal og Setesdalsheiene. Bondevennen møtte Fidjelandsdrifta då dei kom ned til Finnstøl sør for Fidjeland.