Stein på stein: Reinert har lødd stein sidan han var gut. Det gir resultat. Dei snorrette steingardane på Kjølleberg er hans verk.

Lør historia

Stein på stein. Slik har Reinert Kjølleberg reparert, vedlikehalde og bygd opp steingardane på bruket. Å ta vare på landskapet har vore ein viktig del av å vidareføra historia på garden.


Jane Brit Sande


Reinert Kjølleberg fekk overrekt den nasjonale kulturlandskapsprisen for sin innsats og sitt engasjement for kulturhistorie og kulturlandskap i sommar. Eigedomens kystline er verna og høyrer til Listastrendene landskapsvernområde. Reinert har gjort ein iherdig innsats for setta i stand og vedlikehalda steingardane, som er typiske kulturminneverdiar i Lista-landskapet.
Reinert tok over garden i 1979. Den gong var det sju kyr på garden. No har han og kona, Marit, 40 mjølkekyr og ein kvote på 330 tonn.

Stein på stein

Det omfattande arbeidet med å bygga opp og vedlikehalde steingardane på Kjølleberg, starta lenge før Reinert kom til verda.


– Far min gjorde det før meg, og eg dilta etter han då eg var liten, seier Reinert.