Gjer jobben: Etter at Revuro samdrift gjekk over til heilautomatisk fôringssystem, har dagleg leiar Johannes Hjelmeland frigitt tid som kan brukast til å forbetre gardsdrifta.

Meir tid i fjøset gjev betre økonomi

Korleis redusere fôr-svinn, auke mjølkeytinga, betre kalvehelsa og samstundes kutte utgifter til rundballeplast? Ei samdrift i Kvinnherad har oppnådd alt dette i løpet av få år.


Anne Rivenes, frilansjournalist


Omvikdalen er ein vakker u-dal fire kilometer sør for Rosendal, og eit viktig jordbruksområde i Kvinnherad både no og i tidlegare tider. Eit gamalt eldhus viser veg inn til Nistovetunet, der den moderne driftsbygningen til Revuro samdrift er plassert. Samdrifta består av fire bruk som er naboar i dalen, så alle har kort veg til fjøset.


– Det er stor fordel med korte avstandar. Kvar runde hjulet på traktoren rullar, taper du pengar. Me er nøgde med at det aller meste av fôret blir henta frå areal me kan sjå herifrå tunet, seier dagleg leiar Johannes Hjelmeland.


Han er einaste heiltidsbonden i samdrifta, og difor den som viser oss rundt på garden.