Nøye planlagt sauehald

Birgitta og Anders Tjørhom har endeleg landa og funne balansen etter siste byggeprosjekt. Under lemminga er det nye sauehuset i tre verdas navle.


Jofrid Åsland


– Alt på garden har vore nøye planlagt lenge før me sette det ut i livet, fortel Birgitta og Anders.


Dei møtte kvarandre i 2000 på folkehøgskule. Alt då gav Anders klar melding om planen hans, som var å overta heimegarden på Tjørhom i Sirdal i Vest-Agder. I 2013 flytta familien på fem til Tjørhom og i 2015 overtok dei garden. Birgitta er utdanna veterinær og Anders lærar. I dag sett dei pris på arbeidserfaringar dei hausta med seg på vegen heim.