Moderne drektigheitskontroll av storfe

Hjelpemiddel: VMS Repromodul måler progesteronnivået i mjølka til kyrne som skal inseminerast. Den raude prikken (pil 1) indikerer brunst, den blå (pil 2) viser faktisk inseminering og den oransje (pil 3) indikerer at kua er drektig. Kua litt på eit konstant høgt nivå. Foto: Liv Kristin Sola


Nye hjelpemiddel og ny teknologi gir ein tidleg diagnose for om kyra er drektig. Nyttig for bonden, men kan det erstatte ein merksam røktar og ein dedikert dyrlege?


Torbjørn Nes Hjelle
Dyrlege tilknytta Eid Veterinærkontor, privat praksis i Ytre Nordfjord


«Kalv i kua» på riktig tidspunkt er ein av dei absolutte suksessfaktorane i moderne storfeproduksjon. Dyrlegen har ei viktig hjelperolle for å nå dette målet, og tidleg drektigheitskontroll er naudsynt for å ha kontroll.


I gamle dagar lærte vi om seks sikre teikn på drektighet ved hjelp av rektalisering. Dei tidlegaste av desse teikna er råd å kjenne på rundt 30 dagar. Målet som veterinærstudent var å bli trygg på drektigheitskontroll før seks veker. Å bli god på drektigheitskontroll krev ein del mengdetrening.