Slik lagar du ei god smittesluse

Godt smittevern for både to og firbeinte fordrar ei effektiv smittesluse i fjøset. Her får du tips til korleis den kan innreiast.


Reidun Fattnes, dyrlege i Førde i Sunnfjord.


I Dyrehelseforskrifta §6 finn du definisjonen på ei smittesluse:


«3.3.1 Hva er ei smittesluse. Ei smittesluse skal hindre at smitte kommer inn i eller ut av dyreholdet ditt. Alle næringsretta dyrehold skal ha en form for smittesluse. »


Eg reknar med at du er vel kjend med smittesluse. I nybygg og ved større endringar på eksisterande bygg er det lovpålagt å planleggja og byggja ei smittesluse. Desse smitteslusene er enklare å få til, i forhold til eldre bygg der ein må gjera tilpassingar.

Hindrar smitte

Smitteslusene er eit godt tiltak for å hindre smitte. Dei skal hindra at besøkande tek med seg smittestoff inn i fjøset. Samtidig har du som dyreeigar også eit ansvar for å hindra at eventuel smitte du har i fjøset, ikkje blir spreidd til andre besetningar. Du bør derfor syta for at fottøy og overtrekksklede som du brukar, berre blir brukt i fjøset ditt.
Alle som dreg frå gard til gard er potensielle smittespreiarar, det vera seg veterinær, seminteknikar, rådgjevarar eller liknande. Me har alle eit ansvar for å ikkje bringa med oss smitte, men det føreset også at du som dyreeigar har ei velfungerande smittesluse.