Vil løfte urfe i Rogaland

Betre utnytting av beiteressursane og auka etterspurnad etter kjøt frå små rasar gjer dei nasjonale storferasane aktuelle for Rogaland.


Liv Kristin Sola


Siste laurdag i mai inviterte Urfe SA til inspirasjonssamling for bønder som driv med, eller som er interesserte i å satse på ein av dei nasjonale rasane. Fylkesmannen i Rogaland helsar initiativet velkommen og støtta samlinga.


– Me er heilt i startgropa i arbeidet med å løfte dei nasjonale rasane her i fylket. Målet er å auke bruken av beiteressursane, både innmarka men ikkje minst utmark. Dei små rasane er nyttige i kampen for å ta vare på kulturlandskapet, seier Eli Munkeby Serigstad, hjå Fylkesmannen.