Klimakalkulatoren i tider som dette?

Stripespreiing: Eit effektivt klimatiltak som både reduserer klimagassutslepp og gir høgare utnytting av husdyrgjødsla. Foto: Thea Hjertuslot


Med krig i Europa lurer nok mange på om det er smart bruk av tid og ressursar å tenkje på klima. Det er det.


Åsmund Seljeset og Helena Elvatun, NLR Vest


Europas matfat brenn, og matsikkerheit er viktigare no enn på lenge. Mange lurer nok på om det er fornuftig bruk av tid og ressursar å tenkje på klima no. Vi trur at klimarådgjeving som medverkar til ei betre styring på garden og dei ulike produksjonane, kan verka positivt på produksjon og lønnsemd og slik sett gje auka matsikkerheit. Handlingsplanen som du kan få utarbeidd er eit verktøy og ei handlingsliste. Den skal hjelpe deg til å kome i mål med ulike oppgåver, avdekka forbetringspotensial og finne kostnadsnyttige løysingar på klimautfordringar på garden.