Sjukdommar og skadedyr i korn

Soppangrep på korn: Mjøldogg.


Dei vanlegaste skadegjerarane i kornåkrane her på sørvestlandet er soppsjukdommen mjøldogg, ei knippe bladflekksjukdommar og insektet bladlus. Ved å kjenna til korleis skadegjerarane overlever og spreier seg kan du enklare setja inn rett tiltak til rett tid.


Turid Røysland Fitjar, NLR Rogaland


Mjøldogg er ein soppsjukdom me kjenner frå fleire kulturar. Me har årvisse angrep av mjøldogg på korn i vårt område. Sjukdommen er svært artsspesifikk, det vil seie at kvar kornart har sin eigen mjøldoggtype. Mjøldogg overlever berre på levande planter. Mjøldogg i kveite overlever på haustkveiten og kan gi tidlege angrep i vårkveite. Sidan det vert dyrka lite haustbygg i Noreg er truleg den største smittekjelda sporar som kjem med vinden frå Danmark og sør- Sverige i slutten av mai.