Avhorning av kalv

Skånsam prosedyre 1: Kalven vert lagt i ein døs og må ligge tørt, lunt og romsleg under og etter avhorninga.


Me kan sjå på det som rein rutine, eller velja å sjå det som ei av dei viktigaste tiltaka for god dyrevelferd, og ein trygg kvardag for bonden.


Hildegunn Mugås, dyrlege ved Hestavangen Dyreklinikk på Voss, og sauebonde.


Svært mange kalvar, både i kjøt- og mjølkeproduksjon, har anlegg for å utvikla horn. Desse vil utvikla seg til godt synlege horn i løpet av nokre månader. Kode 780, “regulær avhorning”, er difor kanskje den mest brukte helsekort-koden for ein produksjonsdyrveterinær. Fullt utvaksne horn er sjeldan å sjå i norsk husdyrhald no. Det er nok dei fleste glade for.