Rogalands-fosfor i balanse

Som i dag?: Berekningar i rapporten viser at ved å auke GDE-norma frå 14 til 15 kilo fosfor per år og samstundes seinke fosforkravet til 3,0 kilo per dekar, vil vi oppnå om lag same behov for spreieareal som i dag, gitt at innhald av fosfor i kraftfôret vert redusert og fôringsstrategiane vert justert. Foto: Istock


Ny rapport viser at både avlingsnivå og opptak av fosfor i plantene er høgare enn tidlegare rekna med. – Fosforgjødslinga er i balanse, og fosfornivået i jorda i Rogaland er høgt, men stabilt, seier Helga Hellesø, prosjektleiar for rapporten.


Liv Kristin Sola


Rogaland har eit gjødselproblem – det er alt for mykje husdyr i regionen, har du gjerne høyrt. Men stemmer påstanden?
Ikkje om me skal tru den nye rapporten med oppdatert faggrunnlag frå Rogaland. Der dokumenterer arbeidsgruppa, med Harald Volden i spissen, langt på veg at fosforgjødslinga i Rogaland er i balanse. Det omfattande materialet viser at fosfortala er høge, men har vore stabile heilt sidan 1960-talet.


– Det tyder på at det ikkje er ei opphoping av fosfor i jorda, slik somme har meint, seier Helga Hellesø, som har leia prosjektet.