Selenmangel hjå lam og kalv

Dårleg sugerefleks: Bonden beskriv det som at kalven er lite effektiv til å drikka. Det vert ikkje laga vakuum og det verkar som tunga er ”for kort”. Foto: Istock


Mangel på selen og E-vitamin hjå søye og ku før fødsel kan få konsekvensar både for mordyret og for avkommet. Dårleg sugerefleks hjå kalv og stivsjuke hjå lam er vanlege symptom.


Hildegunn Mugås, dyrlege ved Hestavangen Dyreklinikk på Voss, og sauebonde.


Nyfødde lam og kalvar er vanlegvis fulle av livsvilje og kvikke til å reise seg og søke etter mat. Når dette ikkje er tilfellet må me leite etter moglege årsaker. Selenmangel, ofte i samspel med E-vitaminmangel, er ei mogeleg årsak.