Sogn Jord- og Hagebruksskule er truga av nedlegging. Heile landet mobiliserer laurdag gjennom aksjonen Redd økoskulen! (Foto: Liv Kristin Sola.)
Laurdag vert det over 30 arrangement for å redde Sogn Jord- og Hagebruksskule.
Jofrid Åsland
Frå Tana i nord til Kristiandsand i sør vert det mobilisert for å redde den økologiske skulen i vest. Det opplyser venneforeninga til skulen på sine nettsider.
29. november vert det mellom anna budeiestunt i Bergen. I Stavanger vert det konkurransar hjå Jacobs Brød i Stavanger. I Sogn Jord- og Hagebruksskules heimkommune Aurland vert det quiz og konsert. Mange fleire arrangement går av stabelen denne dagen for å redde skulen som er tuga av nedlegging.
– Det er heilt fantastisk. Det vert meir enn 30 arrangement, og alle landets 19 fylker er med, seier elev og kampanjekoordinator Spira Svendsen i ei pressemelding.
Til no er det samla inn over 200.000 kroner gjennom aksjonen Redd økoskulen!
Du får reportasje frå økoskulen i Bondevennen nummer 49.
Stikkord denne saka: Økologisk
