Bøndene vil ha haldbare kyr

Påfyll: Harald Kolstad leverer påfyll av oksesæd til ein av dei faste kundane på Jæren, Varhaug-bonden Halvor Egeland.


Harald Kolstad sine oksesædkundar vil ha haldbare spesialmjølkekyr. Kua som ikkje skal rekrutterast etter, blir gjerne inseminert med hannsæd frå kjøtfe.


Sjur Håland


– Folk vil ha ei haldbar ku som held i mange laktasjonar og dermed reduserer oppdrettskostnadane, seier Harald Kolstad.


Trenden er at dei som vil produsera slakt på den spesialiserte mjølkekua, vel hannsæd av ein kjøtrase.


– Dermed får du eit slakt av topp kvalitet. I går fekk eg melding frå Nord-Rogaland om ein okse med Holstein-mor og Charolais-far, som nyleg var slakta og klassifisert som U+. Det seier sitt, seier han.