Må me bu i matfatet?

Jostein Frøyland
Bondelaget i Rogaland og Time bondelag inviterte til aksjon då delegasjonen var på garden til familien Frøyland.
Dei nærmare hundre frammøtte viste godt igjen på tunet.
Budskapet kom godt fram gjennom plakatane; me kan ikkje bu midt i matfatet når det finst alternativ.
Madelief sovna frå det heile, men fekk markert si bekymring ved hjelp av ein plakat.
Dagens matprodusentar og framtidas forbrukarar ønsker alle å tryggja matproduksjonen for framtida ved å ta vare på matjorda.
- Saka på Frøyland er ei viktig symbolsak i kampen for vern av matjord. Rundt tre prosent av arealet i Noreg er dyrka, me har ikkje ein einaste dekar å miste til utbygging. Spesielt ikkje der det er gode alternativ, slik som i denne saka, sa Einar Frogner, styremedlem i Norges bondlag.
Natalie frå Natur og ungdom hadde appell til dei frammøte. Organisasjonen står saman med matprodusentane om å ta vare på matjorda. - Maten må produserast der den skal etast, sa Natalie. Ho minna om at klimaendringar kan gjera store delar av matjorda rundt om i verda, udyrkbar.
Til og med kyrne på garden kan synast å vera noko betenkte over situasjonen.
Enn så lenge beitar dei på jord som har gitt avling og mat til folk i over 4.000 år. - Jorda ovanfor huset er av beste kvalitet, djup moldrik jord som tåler både slått og beite, sjølv i periodar med mykje nedbør, kommenterte Jostein Frøyland.
I dag er det Hilde og Betuel Frøyland som har teke over og driv garden. Det ønskjer dei å fortsetja med i lange tider framover.
Ingve Berntsen (f.v.) og Rebekka Dickson frå Jæren senterungdom og Arne Berge, leiar i Time bondelag, håper at markeringa vil bidra til at depratementet ender opp med å verna dei 330 dekar med matjord på Frøyland.
Leiar i Rogaland bondelag, Ola Andreas Byrkjedal var svært nøgd med aksjonen, og håper at Kommunal- og moderniseringsdepartementet og minister Jan Tore Sanner vil snu i denne saka.

Liv Kristin Sola

Stort frammøte og tydelege appellar møtte delegasjonen frå Kommunal- og moderniseringsdepartementet då dei kom på synfaring på garden til familien Frøyland, onsdag 1. oktober.

Saman med representantar frå Rogaland fylkeskommune, Fylkesmannen og kommunanene Time, Klepp og Sandnes, fekk dei ei orientering frå Jostein Frøyland, og frå Einar Frogner, styremedlem i Norges bondelag, før dei tok ein runde for å sjå på arealet som er planlagt omdisponert.

330 dekar matjord av beste kvalitet eller 1.600 bustadar er det det står om.

– Det finst gode alternativ til å bygge ut denne matjorda, derfor vert nettopp dette området ei så viktig symbolsak for å markere at matjorda må tas vare på for komande generasjonar, seier Frogner.

– Dette er HELE Norge sitt matfat, ikkje lokalpolitikarane si sandkasse, sa Ingve Berntsen, leiar av Jæren senterungdom, i sin appell.

– Jæren er 40 minutt langt og 15 minutt smalt, da skal man være passe trangsynt for å ikkje finne alternative areal å bygge på, avslutta Berntsen.

Saka ligg no på Kommunal- og moderniseringsminister Jan Tore Sanner sitt bord.

Les heile appellen til Berntsen på lenka.

Ingve Berntsen appell jordvernaksjon på Frøyland

Del på Facebook

Stikkord denne saka: Jordvern