Praksis og teori på Voss jordbruksskule

Voss jordbruksskule har utvekslingsavtale med hestesenteret Kisbabolna, i Ungarn. Elevar på VG2 hestefag kan søka om utvekslingsopphald. I vinter var det f.v. Hilde Hovland, Marie Ljones, Marianne Veland og Marie Bø, som fekk 6 månadar med hest, skule og arbeid i Ungarn. (Foto privat)
Marie Ljones trenar dressur i ridehallen. (Foto privat)
Hilde Hovland trener sprang. (Foto privat)
Marianne Veland i trening. (Foto privat)
Marie Bø i trening. (Foto privat)
Marie L. og Hilde køyrer fremste vogna , saman med køyretrenaren frå Estland. Marianne og Marie B. tar bildet frå vogna bak. Dei trente mest dressur og sprang, men jentene fekk og køyra både enkeltspann, tospann og firspann. (Foto privat)
Oversikt over lausdriftsfjøset. Fjøset har 30 mjølkekyr pluss ungdyr.
Halvparten av VG1 hadde praksis med mjølking i fjøset, etter ei natt i sauehuset som lammevakt. Dei koblar ut roboten ein periode og mjølker kyrne i mjølkegrava for at elevane skal læra seg å mjølka. F.v. Abel, Kamilla, David, Reuben Mathias, Elin og Ingeborg.
Gode rutinar er viktig. Her er Elin i gang med prøvemjølking med prøvekopp.
Elin t.v. og Ingeborg hjelper kvarandre med å setja på mjølkemaskinane. Utfordringa er å sette på utan å sleppa inn luft.
Kamilla sprayer spenene etter mjølking.
Andre halvdel av VG1 har praksis i verkstaden. F.v. David, Rune (i traktoren), Mads Erik og Joakim.
Rune Sekse i traktoren, Helene Øvsthus t.v. og Irmelin Viveli er med i gruppa som har praksis i verkstaden denne dagen.
Elevane får opplæring i service og vedlikehold av maskinar. Her er det Mads Eirik Andreassen og Joakim Burkeland som samarbeider om å få arbeidet utført.
David har fått i oppgåve å smøre opp kjedet på motorsaga, og sørge for at den blir klar til bruk. Elevane får opplæring i bruk av motorsag og lærer korleis dei skal arbeida sikkert i skogen.
Harald Skjoldli har lang fartstid på skulen, først som faglærar og no som avdelingsleiar for gardsbruket. Han har ansvaret for drifta i alle fjøs og på jorda.
Når nye Voss vidaregåande skule vil stå klar i hausten 2016, Skuelen får nye stallar med plass til 18 hestear. skal dei nye stallane med plass til 18 hestar, vera i bruk. Stallen skal delast inn i tre, med seks hester i kvar avdeling.
Viktig å kosta og stelle hesten bra før den skal prestere på trening. Malin Iren har gjort klar Fjordingen Santor.
Santor er blank i pelsen etter grundig stell.
Amalie har fått ansvar for å gjera klar Rauen, som nyter kvalitetstida.
Ingrid skal bruke Silja på trening denne dagen.
Skulen har innandørs ridehall som er mykje brukt, både til undervisning og til andre arrangement.
Blide og fornøgde ansikt å sjå i ridehallen på Voss jordbruksskule.
Av 20 elevar på VG2 hestefag, går om lag 5 ut i lære etterpå. Resten vel studiekompetanse.
Skulen eig alle hestane som er i bruk til undervisining. Fleire av elevane har private hestar som dei har på private stallar i nærleiken.
Lamminga var såvidt i gang i slutten av april. Elevar får VG1 hadde teke imot lam i løpet av natta. Jordbruksskulen har 40 vinterfôra sau.
Dei hundre hønene kom til skulen dagen før Bondevennen var på besøk. Ei god blanding av brune og kvite høner spankulerer fritt omkring i rommet.
Grisehuset er ikkje modernisert med det siste nye innan imek, men ber preg av gode rutinar for reinhald.
Rolege dyr tyder på at elevane bruker mykje tid rundt dyra.
Skulen har 20 avlspurker som produserer 450-500 smågris i året. Dei fôrar fram 300 slaktegris. Resten vert selde som smågris på grunn av plassmangel på jordbruksskulen.
Arbeidssko og arbeidsklede på utsida av administrasjonsbygget tyder på at det er tid for middag. Skulen tilbyr full pensjon med fire måltid om dagen, til alle elevane som ønskjer å nytta dette tilbodet.

Liv Kristin Sola

– Mykje praktisk arbeid, små fagmiljø, små klassar, og ein lærar som har tid til deg.

Dette utseget gjekk igjen blant elevane ved Voss jordbruksskule. VG3-elev Otto Galtung viser til at læringsutbyttet aukar når teorien vert omsett i praksis.

Voss jordbruksskule vart grunnlagd i 1948 som ein fagskule for landbruket. Hovudmålet den gong var å gi landbruksutdanning til odelsgutar.

Som den einaste tradisjonelle jordbruksskulen i Hordaland, rekrutterer skulen i dag elevar frå heile fylket.

Utviding
Fem vidaregåande skular på Voss skal bli til to. Med ein alder på 67 år, går Voss jordbruksskule av med pensjon. Voss Vidaregåande blir navnet på den nye skulen som skal stå klar til bruk frå hausten 2016. 170 elevar aukar til 400, og utvalet i studietilbod aukar.

Naturbruksutdanninga
Dei fleste elevane på naturbruk fylgjer eit 3-årig utdanningsprogram. På VG3 kan elevane velja om dei vil gå landbruk som gir agronomutdanning, eller naturbruk som gir generell studiekompetanse. Etter agronomutdanninga er det høve til å gå VG4 og få generell studiekompetanse i tillegg.

Skulen tilbyr også eit løp som ender med spesiell studiekompetanse for dei som vil vidare på veterinær, til dømes. Solvei Mikkelsen valde denne retninga. Ho er russ i år. Ho trekk fram vekslinga mellom teori og praksis som ein stor styrke i undervisninga på Voss jordbruksskule.

– Dagane med praktisk arbeid har løfta veldig dei dagane med rein teori, og har nok gjort at eg unngått å bli skulelei, seier Solveig.

Gardsbruket
Jordbruksskulen har vald å satse på alle dei tradisjonelle husdyrproduksjonane for å gje elevane ei grunnleggande god undervisning, uavhengig av dyreslag. På garden har dei 1000 høns, 30 mjølkekyr, 40 vinterfôra sau, 20 avlspurker og 18 hestar.

Internasjonalisering
Elevane får tilbod om fire veker utveksling i eit europeisk land i løpet av VG2. Utvekslinga gir elevane Europass, og verdifulle erfaringar.

Hest i Ungarn
Kvart år får elevane på VG2 hestefag høve til å søka om eit seks månadars opphald på hestesenteret Kisbabolna i Ungarn. Dei elevane som ønsker å reise går gjennom eit uttak etter nokre kriteriar som skulen har definert.

Les meir om jordbruksskulen på Voss, i Bondevennen nr 18/19, som er i postkassane fredag 8. mai.

I Bondevennen nr 20 kan de lesa om dei fire elevane, Marie Bø, Marianne Veland, Hilde Hovland og Marie Ljones, som rett før påske kom heim etter 6 månadar på hestesenter i Ungarn.

Del på Facebook

Stikkord denne saka: ung i bygda, Utdanning