Pengane eller livet: om grunnrenteverdien av norsk matjord

Eirik Magnus Fuglestad,
forskar Ruralis - Institutt for rural- og regionalforskning

På Jæren vil dei byggja datasenter, det har vel heile nasjonen fått med seg. Men ikkje alle likar plasseringa, då datasentra vil koma til å stå planta som ugras på jordbruksjord, og kvela høve til matvekstar og beiting i all framtid på det brukte arealet.
Dei som er for utbygging har fått dollarteikn i augo og skimtar eit lova land av arbeidsplassar i hopetal, og høg verdiskaping i horisonten. Dei gjer den same grunnleggjande feilen som økonomien har vore tufta på i alle fall sidan like etter andre verdskrig: dei tek naturen for gitt, som ein gratis innsatsfaktor som eigentleg ikkje trengst å takast omsyn til i dei økonomiske kalkylane.