Overleving av ugrasfrø i surfôr og blautgjødsel

Inneheldt ugrasfrø: Ved fôring med surfôr kan mykje ugrasfrø drysse på fôrbrettet. Foto Bondevennen


Kan vi minske spreiinga av ugrasfrø gjennom husdyrgjødsla?


Olav Martin Synnes, NLR Vest


I «integrert plantevern» er målsettinga mest mogleg førebyggande og mekaniske tiltak og minst mogleg kjemiske tiltak. Å førebygge spreiing av levande ugrasfrø vil gjere oss mindre avhengige av andre tiltak mot ugraset.
Ugrasfrø blir spreidd gjennom husdyrgjødsel, til åker og eng. I tidlegare tider var det vanleg med seinare slått av eng. Fleire ugrasartar hadde modne frø alt i førsteslåtten. Graset vart konservert som høy, og gjødsla lagra som «fastgjødsel» i haugar utandørs. Det er grunn til å tru at innhaldet av levande ugrasfrø i husdyrgjødsla var høgare den gongen enn no.