Godt samarbeid: I snart 20 år har dei utfordra kvarandre, bonde Gunnar Bø (t.v.) og rådgivar Svein Egil Skartveit. – Eg treng ein rådgivar som gjer meg til ein betre bonde. Ikkje minst er det viktig når Vegard (t.h.) skal overta, seier Gunnar.

Mykje kjøt på mjølkebruket

Gunnar Bø bruker avlsplanen som utgangspunkt for å optimalisere produksjonen av mjølk og kjøt på bruket. – Volumet er nådd. No vil eg ta ut høgast mogleg pris for det eg leverer, seier han.


Liv Kristin Sola


– Skal me snakka om avl, må du få med Svein Egil, seier Gunnar Bø på telefonen då me avtaler besøk.


– Eg har nemleg ikkje peiling, men gjer som eg får beskjed om, legg han lattermildt til.


Svein Egil Skartveit er fagleiar avl i Tine, og har vore Gunnar sin faste rådgivar i snart 20 år. Omtrent like lenge som Gunnar og kona Hilde har drive garden i Årdal.