Svinenæringa må finne seg sjølv

Svinenæringa er under press etter fleire negative oppslag i media. Kvifor vart det slik og korleis skal næringa finne vegen vidare?


Liv Kristin Sola


Ragnhild Stokka Dyngeland har besøk av Anne-Karin Grødeland og Silje-Kristin Bekkeheien i stova heime på garden på Lye på Jæren. Dei tre erfarne grisebøndene diskuterer drifta på eigen gard og situasjonen som næringa no er i. Dei skulle så gjerne vore utan dei oppslaga som har prega media i seinare tid. Få, men alvorlege unntak får stor merksemd. Det skadar heile næringa.
Etter å ha funne avvik i enkelte besetningar, inviterte Mattilsynet til informasjonsmøte om kva krav og forventningar dei har til både til smågris- og slaktegrisprodusentane. Det er rundt eitt år sidan.