Korleis følgjer du opp behandla dyr?

Feilbehandling: Ver sikker på at du brukar medisinen på riktig måte. Denne sauen fekk infeksjon og påfølgande koldbrann i huda etter feilbehandling. Ho skulle ha kalk i munnen, men fekk det sett under huda. Dette skulle vera oppfølging etter behandling mot mjølkefeber. No vert det lang tids sårbehandling og mykje unødige smerter.


Det sjuke dyret er ikkje friskt før behandlinga og oppfølginga er heilt ferdig.


Hildegunn Mugås,
dyrlege ved Hestavangen Dyreklinikk på Voss, og sauebonde.


Mange bønder ser det som ei investering i helse og dyrevelferd å ha besøk av dyrlege. Eller andre typar behandling, til dømes klauvskjering. Ein del behandling gjer dei også sjølve. For best mogleg resultat er det viktig å følga opp behandlinga på ein god måte. Dette kan synast sjølvsagt, men i ein travel kvardag har me forståing for at det ikkje alltid skjer.