Livsviktige stikk

Rett medisin: Blautnyre, men også andre clostridieinfeksjonar og toxoplasmose, kan førebyggast godt med vaksine. Foto: Istock.


I koronatida blir det mykje snakk om vaksine og om kor viktig det er for å unngå at me blir sjuke og får smitte. Men vaksine er viktig, også i dyreverda.


Reidun Fattnes
dyrlege i Førde i Sunnfjord.


Vaksinering av ulike dyreslag er ein viktig førebyggjande jobb som me dyrlegar gjer. Dei som har sau er nok godt kjende med vaksinering av sauene om våren, mot blautnyre, som det blir kalla mange stader. Også andre clostridiesjukdommar, samt toxoplasmose kan førebyggast godt med vaksine.

Clostridieinfeksjonar

Clostridiebakteria finst normalt i utemiljøet og i tarmane til sau og lam. Når lamma blir slopne på beite om våren og byrjar å eta kraftig gras, kan bakteriane formeira seg og danna giftstoff (toksin).