Bynær dyrevelferd - Bondevennen

Stend hovudgard har historie heilt tilbake til 1500-talet. Stend jordbruksskule blei etablert i 1866, og utdanninga var ettertrakta over store delar av Hordaland.
Stend vidaregåande skule tilbyr i dag elevane utdanning innan naturbruk, med fire ulike retningar dyrefag (dyrehelse og hund), friluftsliv, hestefag og anleggsgartnar.
Smådyravdelinga på Stend er den største i sitt slag i Norge. Her har dei dyr av alle dyreslag det er lov til å ha i landet. Her er det Amalie som slår av ein prat med den australske goffinkakaduen, Sammy.
På gardsbruket er det 600 frittgåande høner. Egg frå hønene blir solgt i gardsbutikken på skulen. Inne i smådyravdelinga trippar det og nokre få høns.
Marita er spesielt interessert i reptilar, ei interesse ho ikkje kan dyrka i Norge. Ho har kjennskap til ulike slag av reptilar gjennom arbeid i ein dyrebutikk i England.
Dyra i smådyravdelinga på Stend har reine og svært romslege bur, med heimesnekra kassar og inventar, og god tilgang til friskt fôr.
Det manglar ikkje på kreative løysingar for å aktivisera dyra i dei ulike avdelingane. I denne bingen bur det marsvin.
Langs ytterveggen utanfor bingane er det sett opp nettingbur, sånn at dei fleste av dyra får seg ein luftetur utanfor smådyravdelinga når vêret er lagleg.
Et avslappa rotteliv, hengende i spesialsydde hengekøyer.
Rosellapappegøyer.
Undulater i alle fargar og variantar.
Latterduene tar seg ein pause i matskåla.
Olimpia (f.v.), Amalie og Marita lar seg gjerne sjarmere av minigrisen. Han veit at belønninga er bonusturar utenfor bingen.
To veggar dekka med akvarie med fargerike fiskeslag og friske planter.
Tarantella høyrer også med til samlinga i skulen si smådyravdeling.
Pinnedyret er eit godt tips for allergikere. Dei formerer seg i eit forrykande tempo. Både Amalie og Marita har erfaring med pinnedyr.
- Tidenes sugekopper, kommenterer Amalie, og snur handa i alle retningar.
Olimpia trivst godt i smådyravdelinga, men er mest interessert i kyr og mjølkeproduksjonen på garden.
I sauefjøset er Anders igang med å fôra sauene. Anders går på VG2 og er ein av dei som har fått seg ekstrajobb som deltidsrøktar i fjøset.
De fleste sauene er norsk kvit sau. Nokre farga spæl friskar opp i flokken.
Dei første dagane får småkalvane nyta livet på tørr og fin halm, før dei vert flytta inn i kalveavdelinga.
Kalvane har si eiga avdeling med liggepall, mjølkeautomat og fri tilgang til grovfôr, vatn og kraftfôr.
Kalvane får 7-8 liter mjølk om dagen, og får gjerne mjølk til dei er nærmare 3 månadar gamle. Resultatet er friske kalvar og ungdyr med god tilvekst.
Tårnsiloane er framleis i bruk på Stend. Fulltømmeren fyller opp fôrvogna (K2 combicutter) som går langs skinnebanen i taket.
Anders står for finpussen og fjøsmester Kristin, står for grovreingjeringa. Kyrne blir gjerne flytta på bås i sinperioden.
Lærar Tone (f.h.) har med seg elevane Olimpia, Marita og Amalie til veksthuset for å prikle planter.
Å prikle vil seia å planta dei små frøplantene som vart sådd mange saman på eit brett, over i eigne potter.
- Spennande fag, høg trivsel og motiverte og flinke lærarar, er oppsummeringa som elevane gjorde for Bondevennen, på spørsmål om korleis dei trivst på Stend vgs.

Stend vgs. tilbyr naturbruk som utdanning til ungdommar som har vakse opp i og rundt Bergen, norges nest største by.

Liv Kristin Sola

Tal på søkarar til skulen gjekk ned. Det var ikkje lenger noko alternativ å prøva og lokka urban ungdom til ei tradisjonell landbruksutdanning. Leiinga ved skulen tok nokre grep og tilpassa skulen til søkargruppa. Resultatet er fulle klassar og motiverte elevar.

På Stend vgs. kan elevane no fordjupa seg i dyrehelse, hund, hest, friluftsliv eller anleggsgartnarfaget. Skulen legg vekt på at elevane skal læra god dyrevelferd og førebygging av sjukdom. Elevane skal blant anna få innsikt i fôring, avl og utstilling av dyr. Dei har vore på bedriftsbesøk og på gardsbesøk og fått innblikk i foredling av ulike råvarer.

Gardsdrifta består av mjølkeproduksjon, sau og frittgåande høner. Fjøset har i seinare tid fått ei eiga kalveavdeling og lausdriftsfjøset vart oppgradert med mjølkerobot i 2010.

Skulen har Norges største smådyravdeling, ei avdeling som har alle dyreslag det er lov til å ha i norske heimar.

Les om Stend vgs. i Bondevennen nr 11.

UTDANING I LANDBRUKET

Under overskrifta Utdanning i landbruket, vil Bondevennen presentera skulane på Sør- og Vestlandet som tilbyr vidaregåande utdanning innan naturbruk.

Del på Facebook

Stikkord denne saka: Dyrehelse, ung i bygda, Utdanning