Ekstensiv, men ikkje dårleg drift

I tjukt og tynt: Knut Thuheim (peikande) har vore bonde i 57 år. Like lenge har han hatt lidenskapen for vestlandsk raudkolle.


For mange kan det løne seg å vurdere dei gamle storferasane som eit alternativ, også i mjølkeproduksjonen. Det meiner Edvin Vestvik, økonomirådgivar i Tine.


Liv Kristin Sola


Det vert ofte presisert at dei nasjonale rasane er tilpassa ekstensiv drift. Dyra nyttar grovfôret godt, og trivst i utmarka. Historisk har dei flytta mellom gard til støl og er uthaldande i skiftande vêr- og beitetilhøve. Ola Hammer Langleite, mjølkebonde og leiar i Urfe-samvirket, meiner evna til å utnytte grovfôrressursane er desse rasane sin styrke.


– Ekstensiv drift er ikkje dårleg drift, men ei anna tilpassing til ressursane på garden, seier han.