– For lite til Rogaland

Mest til mjølk: Mjølkebruka har fått topp prioritet av partnarskapet i Rogaland. Nærmare bestemt gjeld det bruk med opp til 30 mjølkekyr, eller 240 tonn i kvote. Illustrasjonsfoto.


Rogaland har fått 50 millionar kroner i IBU-midlar. – For lite, seier Statsforvaltaren.


Jane Brit Sande


Sist partnarskapet i Rogaland presenterte prioriteringane for Investerings– og bedriftsutviklingsmidlane i landbruket (IBU-midlane), hadde dei allereie fått inn søknadar nok til å tømma potten. Denne gongen vil dei komma søknadsbunka i forkjøpet. Statsforvaltaren i Rogaland, ved assisterande landbruksdirektør Anfinn Rosnes, og Innovasjon Norge, ved finansieringsrådgivarane Olav Tegle og Aart-Dirk van Zanten Magnussen, presenterte prioriteringane i eit webinar i førre veke.