Må mjølke dei gamle kurasane

Tid for å rekne?: På enkelte mjølkebruk kan det svare seg å kutte ut dyre leigekvotar og fylle fjøset med gamle kurasar og meir ekstensiv drift. – Det kan svare seg å rekne på det, meiner Ola Hammer Langleite.


Dei kyrne som ein gong forsynte oss nordmenn med både mjølk og kjøt, er i ferd med å endre status til ekstensive kjøtferasar. – Me må snu trenden, seier Ola Hammer Langleite i Urfe SA.


Liv Kristin Sola


Talet på avlskyr av dei gamle kurasane er meir enn dobla dei siste ti åra.


– Det er imponerande og svært gledeleg, seier Ola Hammer Langleite i Urfe SA.


Samstundes vert det stadig lenger mellom dei som driv mjølkeproduksjon på desse rasane. Og snittalderen aukar. Langleite, som sjølv mjølker ein flokk STN-kyr, er uroa over nedgangen. No håper Langleite at fleire mjølkebønder ser potensialet og vil drive med dei gamle kurasane.